FormaciÓns regulares
Escola de Teatro Playback
Clases de Teatro Playback
O obxectivo das nosas clases regulares é formar aos estudantes en todos os papeis necesarios para levar a cabo espectáculos e obradoiros de Teatro Playback da máis alta calidade: interpretación, presentación, dirección e liderado.
En última instancia, queremos que desenvolvan a capacidade de levar a cabo os seus propios proxectos de Teatro Playback.
Condicións
A nosa formación regular consiste nunha clase semanal de dúas horas e media, de setembro a xuño, ambos inclusive.
Tamén inclúe a participación en arredor de seis funcións abertas ao público ao ano, xa que cremos que a verdadeira aprendizaxe vén da práctica.
Itinerario Formativo
Temos un itinerario formativo de catro cursos:
- Primeiro: iniciación en Teatro Playback e formación no rol de actuación.
- Segundo: formación no rol de actuación e iniciación á condución.
- Terceiro: formación no rol de actuación, condución e introdución á dirección.
- Cuarto: formación no rol de actuación, condución e dirección.
Desenvolvemento do proxecto de fin de estudos.
Proxecto Final
O cuarto ano acompáñase opcionalmente dunha formación paralela en xestión e liderado de proxectos.
Esta formación culmina na creación do teu propio proxecto de Teatro Playback: liña de investigación, compañía, aplicación da ferramenta a un contexto, etc.
O obxectivo deste proxecto debe ser promover a implantación do Teatro Playback en Galicia ou noutros lugares.
A superación deste proxecto dá dereito á obtención dun certificado de idoneidade avalado por Teatro Playback Galicia, que cualifica ao estudante como formador de Teatro Playback.
É necesaria experiencia previa en teatro?
Non. Pode participar calquera persoa maior de idade que estea física e mentalmente capaz de participar na actividade.
É obrigatorio avanzar no itinerario formativo?
Non. Avanzar polos roles ata chegar ao proxecto final leva un mínimo de catro anos, pero pódese prolongar todo o tempo que o estudante desexe ou precise.
É posible pasar máis anos estudando e non avanzar na formación ata que o estudante se sinta preparado.
Onde e cando se imparte o curso?
Nas nosas instalacións na Rúa Esperanto, Vigo, os luns (grupo de principiantes) e mércores (grupo avanzado) de 19:00 a 21:30. Agardamos abrir pronto outros grupos en diferentes horarios e lugares.
Canto custa o curso?
45 € ao mes por estudante. Podes pagar por Bizum ao 626 24 12 38 ou en efectivo.
Non vivo en Vigo e gustaríame que houbera cursos de formación na miña cidade
Se cres que podemos crear un grupo noutra cidade, podemos avaliar o custo do desprazamento dun profesor para ampliar o proxecto. Ponte en contacto connosco se cres que nos podes axudar a crear grupos fóra de Vigo.
