Teatro Playback Galicia
Achegando o Teatro Playback a Galicia
Que é o Teatro Playback?
O Teatro Playback é unha forma única de teatro improvisado que representa as historias do público. É un teatro social que xera moita empatía, conecta ás persoas e promove o desenvolvemento humano e comunitario. Ten aplicacións en psicoterapia, traballo social, educación e organizacións humanas.
Fundado en 1975 por Jonathan Fox e Jo Salgas en EE.UU., o Teatro Playback expandiuse a máis de 70 países e é apoiado por organizacións internacionais como o Centre for Playback Theatre e a International Playback Theatre Network.
O noso documental
Neste breve documental recollemos testemuños de practicantes de Teatro Playback. Nel, cóntannos en que consiste esta disciplina, os seus beneficios e o que máis gozan ao practicala. Tamén falan de que lle dirían a alguén que estea a pensar en iniciarse. Ao final, presentamos o proxecto Teatro Playback Galicia
Practicar Teatro Playback ten moitos beneficios
01
Empatía
Ensínanos a comprender diferentes puntos de vista e conéctanos emocionalmente con outraspersoas.
02
Confianza
Axuda a superar o medo escénico, a descubrir as nosas virtudes e a crer nelas.
03
Vínculos
Nos grupos de Playback xéranse relacións moi fortes nas que abunda o respecto e o afecto.
04
Emocións
Axúdanos a estar en contacto san coas nosas emocións, escoitalas e autorregularnos.
05
Comunicación
Desenvolve as nosas ferramentas comunicativas emocionais, verbais e xestuais.
06
Escoita
Permite desenvolver unha escoita máis sutil e profunda que permite unha maior comprensión mutua.
07
Servizo
Estamos ao servizo da comunidade, o cal nos enche con propósito e un sentido de responsabilidade.
08
Activo
É unha actividade dinámica que promove a saúde física e axuda a combater o sedentarismo.
Que é Teatro Playback Galicia?
É un proxecto divulgativo e formativo. Entendemos que o Teatro Playback é unha ferramenta moi valiosa, que se debe coñecer e empregar.
Con ese propósito, creamos contido didáctico na internet, ofrecemos cursos de formación regulares, impartimos obradoiros, organizamos funcións e damos charlas.
🐚
“Teatro Playback Galicia nace para introducir o Teatro Playback en Galicia, dalo a coñecer entre o público, formar a quen estea interesado en practicalo e ofrecelo á sociedade como ferramenta de teatro aplicado.”
Darío Gómez González
Fundador do proxecto Teatro Playback Galicia